|
Monday, 09 August 2010 |
|
|
| Þá er komið að lokatónleikum sumarið 2010 en þeir verða 11. ágúst n.k. Það eru þau Sunna Gunnlaugsdóttir píanóleikari, Þorgrímur Jónsson, bassaleikari og Scott Mclemore trommuleikari sem ljúka tónleikaárinu að þessu sinni. Efnisskráin samanstendur aðallega af nýjum tónsmíðum sem ætlunin er að hljóðrita í lok sumars en einnig verða á dagskrá útsetningar Sunnu á íslenskum lögum sem er að finna á disknum "Songs from Iceland". Hægt er að hlusta á http://www.sunnagunnlaugs.com og skoða myndbönd á youtube svæði Sunnu http://www.youtube.com/sunnagunnlaugs Tónsmíðarnar eru mjög aðgengilegar og hafa gagnrýnendur erlendis haft orð á því að tónlist Sunnu nái til fleiri en bara jazzunnenda og felli saman evrópskan þokka við eldmóð New York borgar. |
|
|
Tuesday, 03 August 2010 |
|
Á dagskrá Bláu kirkjunnar 4. ágúst eru tónleikar þriggja vel þekktra tónlistarkvenna sem vart þarf að kynna. Það eru þær Sigrún Eðvaldsdóttir sem leikur á fiðlu, Anna Guðný Guðmundsdóttir á píanó og Guðrún Ingimarsdóttir sópransöngkona sem munu flytja verk fyrir sópran, fiðlu og píanó, eftir Bach, Händel, Villa Lobos, Mozart ofl.
Tónleikarnir hefjast að venju klukkan 20:30, miðar eru seldir við dyrnar.
|
|
Saturday, 24 July 2010 |
|
 |
Tónlistarhópurinn Katla var stofnaður vorið 2001 í Gautaborg af þáverandi meðlimum, Svövu Kristínu Ingólfsdóttur söngkonu, Ingibjörgu Guðlaugsdóttur básúnuleikara og Magnúsi Ragnarssyni, orgel og píanóleikara. Aðalmarkmið hópsins var, og er enn, að flytja íslenska tónlist í Svíþjóð og víðar um Norðurlönd og svo eins að flytja tónlist frá Norðurlöndunum á Íslandi. Katla hefur víða komið fram í Svíþjóð og Danmörku á aðalstarfsárum sínum, 2001 – 2004, jafnt í kirkjum sem í sendiráðum og á menningarhátíðum. Á Íslandi hefur Katla komið fram á sumartónleikum í Sigurjónssafni og í Reykjahlíðarkirkju sumarið 2003 og sumarið 2005. Eins hefur Katla flutt norræna jólatónlist í Fríkirkjunni í Reykjavík jólin 2008 og 2009. Hópurinn hefur starfað með hléum í gegnum árin og mannaskipan verið breytileg vegna annarra starfa meðlima. Í dag skipa hópinn fyrir utan Svövu söngkonu og Ingibjörgu básúnleikara, þeir bræður Hörður Bragason, píanó og orgelleikari og Birgir Bragason bassaleikari. Vegna óvenjulegrar samsetningar hópsins hefur frá upphafi verið aðalsmerki Kötlu að flytja að stærstum hluta eigin útsetningar á tónlistarefnivið sínum sem spannar tónlist frá öllum tímabilum tónlistarsögunnar, þ.e allt frá þjóðlögum til nútímatónlistar Norðurlanda.
Kötlu skipar klassískt menntað tónlistarfólk en allir meðlimir hafa fengist jöfnum höndum við bæði djass og þjóðlagatónlist svo á tónleikum hópsins kennir ýmissa grasa og er fjölbreytileikinn og sköpunargleðin höfð í fyrirrúmi. |
|
|
Lesa meira...
|
|
<< Byrja < Fyrri 1 2 3 4 5 6 7 8 9 10 Nęsta > Endir >>
|
| Śrslit 1 - 3 af 40 |
